Jaialdiaren atalak

Ikus-entzunezko Proiekzio eta Mahai-inguruak

Gaikako film eta dokumental esanguratsuei buruzkoak eta Telebistako programa gastronomiko interesante eta berritzaileei buruzkoak. Zine edota DVD formatuan. Zuzendariak azken 20 urtez egindako bilketa-lanari esker, Jaialdiak artxibo bikaina dauka. Proiekzio horiek osatzeko, gastronomia arloan puri-purian dauden gaiei buruzko ikus-entzunezko mahai-inguru aitzindariak antolatu dira.

Ekintza Gastronomikoak

Zazpigarren Artearen munduarekin lotuta betiere, Jaialdiak dirauen artean bestelako ekintzak gauzatzen dira: zinemarekin eta produktu apartekin egindako ardo-dastatzeak, sukaldaritzako izarrek diseinatutako Menuak, dagoeneko ohikoak diren Zine-pintxo eta Txoko lehiaketak eta Zineko produktuen Merkatu berria.

Erakusketak, Kontzertuak

Esaterako, munduko platerik ederrenei buruzko “Look & Food” argazki erakusketa, edota “Ham Session” kontzertua, gitarra eta urdaiazpiko ebaketa uztartzen dituena. Horri guztiari, orain, “The Hot Wok” musika-talde gastronomikoa gehitu zaio.

“Zaporeak eta Paisaiak” ibilaldiak eta “Movie Tourism”

Jaialdiak dirauen artean ostera erakargarriak antolatzen dira, ekintza gauzatzen den lurraldeko paisaia eta produktu esanguratsuenak ezagutzeko helburuarekin. Besteak beste, abangoardiako upategietatik egindako ibilbidea, Gaztelugatxeko San Juan inguru ikusgarriak, Bilboko errekan zehar egindako ostera, “Rolls&Royce” Museo esklusiboa edota “Movie Tourism”, pelikulak filmatu diren dekoratuetan barrena.

Jaialdi eta Jatorduak

¿Cine o Sardina? (Zinema ala Sardina) Zine zale eta gourmet Guillermo Cabrera Infante-ren liburu bikainaren titutuak eman zigun ideia, Getxoko Portu Zaharrean sardina-jan izugarria antolatzekoa, alegia. Haragi eta parrillak ere martxan jartzen ditugu, mahasti artean egindako gure “Pic Nic” bereziaren bidez…

Jaialdiko sariak

Jaialdiko antolaketak eta Batzordeak “Cinéfilos & Gourmets” izeneko Sariak ematen dizkiete arte bi-bietan ibilbide nahiz grina erakutsi duten pertsonei. Aipamen horiek ugaritu egin dira eta, gaur egun, denboraldian aipagarrienak izan diren arloko Telebistako serie edota programak ere saritzen dira.